-
Veröffentlicht: 12. Oktober 2015
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵟⴰⵙ ⵏ ⵢⵉⴷⵉⵙⴰⵏ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ, ⴰⵙⵙ ⵏ ⵙⵙⴻⴱⵜ, ⵉ ⵍⵎⴻⵏⴷ ⵏ ⵓⵙⵙⴻⵄⵊⴻⵍ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴳⴰⵔ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⵢ ⵍⴰ ⵢⴻⵜⵜⴻⵎⵛⴰⵡⴰⵕⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴼⴼⵉⵔ ⵎⴰ ⴼⴽⴰⵏ-ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⵉⵡⴻⵏ ⵏ ⵕⵕⴰⵢ ⵉ ⴼⴻⵔⵔⵓ, ⵜⵡⴰⵍⴰ-ⵜ ⵍⴻⵣⵣⴰⵢⴻⵔ « ⵢⴻⵍⵍⴰ ⴷⴻⴳ-ⵙ ⵍⴰⵎⴰⵏ ⵢⴻⵔⵏⴰ ⵢⵓⵙⴰ-ⴷ ⵖⴻⴼ ⵍⴻⵃⵙⴰⴱ ⵏ ⵜⴻⴳⵏⵉⵜ ⴷⴻⴳ ⵓⵏⵔⴰⵔ ».
« ⵍⴻⵣⵣⴰⵢⴻⵔ ⵜⴻⵜⵜⵡⴰⵍⵉ ⴰⵢⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ (ⵍⵎⵓⵎⴰⵜⵜⵉⵍ) ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ ⴷ ⴰⵢⴻⵏ ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ ⵢⴻⵔⵏⴰ ⵢⵓⵙⴰ-ⴷ ⵖⴻⴼ ⵍⴻⵃⵙⴰⴱ ⵏ ⵜⴻⴳⵏⵉⵜ ⴷⴻⴳ ⵓⵏⵔⴰⵔ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⴷⴻⴳ ⵜⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵎⵔⴻⵏ-ⴷ (ⵇⵜⴰⵔⵃⴻⵏ-ⴷ) ⴰⵏⵡⵉ ⴰⵔⴰ ⵢⵉⵍⵉⵏ ⴷ ⴰⵏⴻⵖⵍⴰⴼ ⴰⵎⴻⵏⵣⵓ ⴷ ⵢⵉⵏⴻⵖⵍⴰⴼⴻⵏ ⴰⵔⴰ ⵢⵉⵍⵉⵏ ⴷ ⴰⵃⵔⵉⵛ ⴷⴻⴳ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵢⴻⵔⵏⴰ, ⵉⵎⵉⵔ-ⴰ, ⵙⵉⵏ-ⵏⵏⵉ ⵏ ⵢⵉⵎⵏⴰⵏ (ⴱⴰⵕⵍⴰⵎⴰⵏⴰⵜ) ⴰⵢ ⵢⴻⵎⵅⴰⵚⴰⵎⴻⵏ ⵢⴻⵙⵙⴻⴼⴽ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵢⵉⵙⵎⴰⵡⴻⵏ-ⴰ.
ⵍⴻⵣⵣⴰⵢⴻⵔ, ⴰⵢ ⵉⵅⴻⴷⵎⴻⵏ ⴷⵉⵎⴰ ⵉ ⵍⵎⴻⵏⴷ ⵏ « ⵜⵉⴼⵔⴰⵜ ⵜⴰⵙⴻⵔⵜⵉⵜ ⴷⴻⴳ ⵜⴰⵍⵓⴼⵜ ⵜⴰⵍⵉⴱⵉⵜ ⵙ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ » ⵜⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵓⵙⵙⵓⵎⴻⵔ-ⴰ (ⵉⵇⵜⵉⵔⴰⵃ) ⴷ ⵍⴻⵡⵚⴰⵢⴰⵜ ⴷ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵢⴻⵔⵏⴰ ⴰⴷ ⴳⴻⵏ ⴰⵢⴰ ⵙ ⵓⴷⴻⵇⵇⴻⵇ, ⵙ ⵚⵚⵡⴰⴱ ⴷ ⵍⴻⵄⵇⴻⵍ ⴷ ⵜⵎⴰⵙⵉⵜ (ⵎⴻⵙ’ⵓⵍⵉⵢⵢⴰ) ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ-ⵏⵙⴻⵏ ⵙ ⵓⴱⵔⵉⴷ ⴰⵙⴻⵔⵜⵉ ⵢⴻⵔⵏⴰ ⵙ ⵜⵖⴰⵡⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ.
ⴰⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵜⵜⵡⴰⵍⵉ ⴷ ⴰⴽⴽⴻⵏ ⵎⴰ ⵜⴽⴻⵎⵎⴻⵍ ⵜⴻⴳⵏⵉⵜ ⵢⴻⵍⵍⴰⵏ ⵉⵎⵉⵔ-ⴰ, ⵜⴻⵣⵎⴻⵔ ⴰⴷ ⵜⴻⵣⵔⴻⵄ ⵜⵔⴻⵎⵎⵉⵖⵜ (ⵔⵔⴻⴱⵔⴰⴱ) ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵡⴰⵢⴰ ⴰⵎⴰ ⴷ ⵍⵉⴱⵢⴰ, ⴰⵎⴰ ⴷ ⵜⵉⵎⵓⵔⴰ ⵏ ⵜⴻⵎⵏⴰⴹⵜ-ⴰ ⵙ ⵍⴻⴽⵎⴰⵍ-ⵏⵏⴻⵙ ».